Die Toronto “Herlewing” Vol. 7: Hoe om die Toronto-gees op die proef te stel – 2 DVD’s

In hierdie reeks word deur middel van video insetsels en ander relevante bronne getoon waaroor die Toronto “Herlewing” gaan. Voorts word die beweging volledig vanuit die Woord van God geëvalueer.

In hierdie DVD leer ons hoe om ‘n beweging soos die Toronto “Herlewing” te evalueer. Baie sê: “Jy mag dit nie toets nie; jy moet jouself net daarvoor oopstel.” Die probleem is dat as jy dit wil evalueer, jy jou verstand moet gebruik. Wanneer iemand dit doen, kan die krag van die beweging hom nie oorval nie. Die Bybel leer ons egter om die geeste op die proef te stel. As ‘n beweging sodanig is dat hierdie opdrag nie uitgevoer kan word nie, toon dit dan nie dat daar ‘n groot skroef los is nie?

Die voorstanders van die Toronto “Ervaring” sê verder graag: “Kyk net na al die goeie vrug”. Hierdie DVD toon dat dieselfde “vrug” aan die hand van godsdiensleiers soos die Dalai Lama en Sia Baba plaasvind. Hoe moet ons nou weet wat die waarheid is? Voorts kyk ons in hierdie Volume 7 na die GEVOLGTREKKING waartoe ons na alles gekom het rakende die Toronto “Herlewing”.

Tydsduur: 2 uur 36 minute