Die Toronto “Herlewing” – Volume 2: Watter gees is hier aan die werk? – 2 DVD’s

In hierdie reeks word deur middel van video insetsels en ander relevante bronne getoon waaroor die Toronto “Herlewing” gaan. Voorts word die beweging volledig vanuit die Woord van God geëvalueer.

In hierdie DVD sien u beeldmateriaal van die manifestasies in die Toronto “Herlewing”. Wanneer ‘n mens daarna kyk, blyk dit duidelik dat die mense dit nie uit hulself doen nie. Die vraag ontstaan dan: Watter gees bewerk dit? So ‘n “geestelike ervaring” word óf deur die Heilige Gees óf deur ‘n bose gees bewerk. Hoe moet ons weet watter gees dit hier doen?

In die lig hiervan word die bekende geloofsgeneser, Kathryn Kuhlman, se bediening geëvalueer. Vandag word baie andere, soos Benny Hinn en Rodney Howard Brown, aangehang, maar deur watter gees doen hul hul “wonderwerke”? Dit alles word vanuit die Woord van God toegelig terwyl ons gemaan word tot waaksaamheid en om te verseker dat ons die Here Jesus Christus self ken.

Tydsduur: 2 ure 20 minute