Neil Olwagen – Het ek Christus se Gesindheid?

Dit is opmerklik hoe vinnig baie mense se gesindhede oor hul hede en toekoms verander het as gevolg van Covid-19. Individue, families en gemeenskappe, lande en kontinente wonder of dinge ooit weer “normaal” kan wees. Meeste mense was onkant betrap. Iets soortgelyks het destyds in Filippi gebeur.

Nee, hul het nie ʼn virus gehad nie, maar ewe skielik was dié gelowiges in Filippi ingeperk in ʼn swaar gemoed, ʼn onsekere toekoms, en gou gou was hul gesindhede weer soos die van die wêreld. Die rede? In groot opgewondenheid het hul gewag op Paulus se opvolg besoek, want hulle het uitgesien hoe hul verder deur sy lering in Christus kon groei. Maar toe kry hul die nuus: Paulus sou hulle waarskynlik nooit weer kon besoek nie.

Hul hele afwagting en toekoms was omvergewerp, en die toekoms het onseker gelyk. Mense se gesindhede het begin verander. Maar Paulus rig aan dié Christene destyds, asook aan ons vandag, vier vrae waarop ons reeds die antwoorde weet, sodat ons as gelowiges in Christus geboeid sal wees, ja ingeperk met die gesindheid van Christus ongeag die huidige uitdagings of die wat voorlê. Luister gerus na Paulus se vier vrae, en aanskou hoe die antwoord daarop ons gesindheid heeltemal behoort te verander!

Voorskou Video: