2. Jerusalem – Die stad van profetiese vervulling

Jerusalem is van groot geestelike en profetiese betekenis omdat die Here sy Naam vir altyd aan die stad verbind het (1 Kon. 11:36). Dit was nie net Israel se hoofstad en die hoofsentrum vir hulle geestelike lewe nie, maar ook die stad waar die Here Jesus sy offer vir die hele mensdom se sonde gebring het. Die Heilige Gees is hier uitgestort en dit het van Jerusalem die geboorteplek van die Christelike kerk op aarde gemaak.

In hierdie boodskap word die klem op die belangrike profetiese toekoms van Jerusalem geplaas. Groot en wonderlike profesieë moet nog vir Israel en Jerusalem in vervulling gaan. Die Here sê dat ons Hom aan hierdie beloftes moet herinner, “totdat Hy Jerusalem bevestig en maak tot ‘n lof op aarde” (Jes. 62:6-7).

Hierdie is die tweede in ‘n reeks van vyf DVD’s deur Prof. Johan Malan:

1. Die Universele “Christus” – Messias verwagting in die groot godsdienste

2. Jerusalem: Die Stad van Profetiese vervulling

3. Oorloë in die Midde-Ooste en Israel se herstel

4. Geestelike Misleiding: Die doelstellings van die “Emerging Church”

5. Die Eeue oue aanslag op die Christelike geloof

Tydsduur: 56 minute