Neil Olwagen – By Watter Berg Leef Jy?

Die Hebreërskrywer kontrasteer twee berge wanneer hy vir ons die goeie nuus meedeel: “Julle het nie gekom by ‘n tasbare berg nie en ‘n brandende vuur en donkerheid en duisternis en storm  en basuingeklank en die geluid van woorde waarby die hoorders gesmeek het dat hulle geen woord meer sou toegevoeg word nie …, Maar julle het gekom by die berg Sion” (Hebreërs 12:18-20, 22).

Tydens die eerste Pinksterfees, 50 dae na die Here Israel uit die slawehuis van Egipteland gelei het, het God sy Wet by die berg Sinaï aan Moses gegee. Op  ʼn ander Pinksterdag, 50 dae na Jesus uit die dood opgestaan het, het Hy op die berg Sion sy nuwe wet gegee naamlik “die wet van die Gees van die lewe in Christus Jesus!” Dit is die wet wat ons “vrymaak van die wet van die sonde en die dood. Ja, Hy het die Heilige Gees gestuur om in die wat Hy bevry het uit die slawehuis van die sonde, te kom woon.

Omdat dit maklik gebeur dat kinders van die Here hulself vandag steeds bevind by berg Sinaï, verduidelik Neil Olwagen in hierdie DVD hoe ons in die volheid van die Vryheid wat Jesus vir ons gebring het met sy offer aan die kruis, kan leef.

Neil Olwagen is van die Christen Gemeenskapsbediening te Stanford, Suid-Afrika. Sy DVD’s is beskikbaar op die webtuiste van Kerugma Produksies, kerugma.org

Voorskou Video: